ایران میں ریاست کے خلاف سرگرمیوں میں ملوث ہونے پر پانچ سال سے قید نازنین زغاری کی 9 مارچ کو نظربندی ختم کی گئی تھی، نظربندی ختم ہوتے ہی عدالت نے ایک اور الزام میں نازنین کو دوبارہ طلب کیا تھا۔غیر ملکی خبر رساں ادارے سے منسلک نازنین زغاری کو اپریل 2016 کو تہران ائیرپورٹ سے ریاست کے خلاف سرگرمیوں میں ملوث ہونے کے الزام میں گرفتار کیا گیا تھا۔
ایران اور برطانیہ کی شہریت رکھنے والی نازنین کو چار سال جیل میں گزارنے کے بعد گذشتہ برس مارچ میں کورونا وبا کی وجہ سے گھر پر نظربند کر دیا گیا تھا۔عدالت کی جانب سے نازنین زغاری پر ایک سال تک ملک چھوڑنے کی پابندی بھی لگائی گئی ہے۔ برطانوی وزیراعظم بورس جانسن نے نازنین زغاری کی دوبارہ قید کو غلط اقدام قرار دیا ہے۔
114
