27

علی گل پیر کی پیروڈی ویڈیو پر کنگنا رناوت کا ردِ عمل

علی گل پیر سوشل میڈیا پر مزاحیہ ویڈیوز بناتے ہیں اور دلچسپ انداز میں معروف شخصیات کی پیروڈی کرتے ہیں جس کی وجہ سے انہیں خاصی شہرت حاصل ہے۔پاکستانی کامیڈین علی گل پیر نے اداکارہ کنگنا رناوت کی ویڈیو پر اپنے انداز میں اداکاری کی جس پر کنگنا نے بھی ردِعمل ظاہر کیا۔سماجی رابطے کی ویب سائٹ ٹوئٹر پر جاری ویڈیو پر کنگنا رناوت نے علی گل پیر کو مخاطب کرتے ہوئے جواب دیا کہ کم از کم آپ مزاحیہ ہیں اور آپ نے مجھے ہنسا دیا۔
علی گل پیر نے ویڈیو کے کیپشن میں بھارتی اداکارہ کو مینشن کرتے ہوئے لکھا کہ آپا کنگنا وبائی مرض سے موازنہ کروا کے ہمیں نیوز رپورٹنگ سے ہونے والے خطرات یاد دِلا رہی ہیں۔علی گل پیر نے مزید لکھا کہ اگر خبریں روک دی جائیں تو اموات میں بھی کمی ہو جائے گی۔علی گل پیر نے کنگنا کی ٹوئٹ کا ان ہی کے انداز میں جواب دیا اور لکھا کہ شاید ہم بہت ساری چیزوں پر اختلاف رکھتے ہیں لیکن کم از کم ہم مِل کر ہنس سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں